Tétéh

Depang……!

Depang suba langité ngelépat

Ngejat ngepetpet dini mekasahan

Apang iya uning manusané jani

Ané masolah iri muang dengki

Kapining pisaga kapining sandingan makejang lusuh

Sabilang dina nyabran wai

setata ngetékin gelah pisaga

nyakit keneh ngitungang gelah pisaga

pamuputne…..!

pragat mati nyelémpang

berig jangkung amah keneh

depang suba ainé dini maguyang

glalang-gliling ngeluluk

apang ia ningalin marginé ané buntu

keebekin baan luu

kanti jani suba telah meléléh dadi tétéh



Olih: I Putu Supartika