Gumi benyah
latah leteh
Mala mali malu
mola
Rawuh saha silih
salah salih
Parek marek ring
saisi sajebag jagat puniki
Ngenahang gigi
rangap calingé pacad tan keni kapademan
Kairing utusan
saking kala kali kalu kola
Benyah mayah
baan urip surup kala wai dina mati
Endah samah
mamanah ngerajah ngeraja ring sauripan
Tan oneng uning
sapasira nira utawi
Saking ngridip,
ngredep, tegep, sarwa sregep
Sami tastas
lunglung linglung kalunglung melalung
Tan sida lémapas
lepas lekas makelid nyilib mengkeb ring urip
Ring umah genah
silib, tingid, ingid, saru, seru sero soro nora pacang kepanggih
Grubug
Ngebug
Kagebug
Maglebug
Katabug
Wiréh urip tan
wénten wiguna lan wiguni
Wiréh urip
wantah mawali ka genah singid
Wiréh urip tan
sandang engkebang
Wiréh urip patut
padem
Wiréh urip patut
kapendem
Wiréh urip tan
langgeng tan sida kagamel sué
Wiréh urip
wantah nyilih saking suwung
Wiréh urip
wantah urip
Tur urip mangda
tan maurip
Grubug
Gebug
Ngebug
Kagebug
Katabug
Tan nyingak
lampah ayu ala mala kala salah melah matah
Tan urati bagus
luwih suputra sadu alpaka luu ayu baru beru saru muru bréré kéré tiwas lacur
sugih susila dursila pageh bakti sakti sutindih jerih pelih
Kagebug, gebug
ngebug tur katabug
Tan uning pegawé
petani pelacur présidén mentri buruh jaksa polisi dokter balian pemangku
Tan tau kasta
wangsa sudra brahmana wésya ksatria
Tan oneng buron
wong taru lata janggama jarayuda naramerga wamana
Tan urati sasih
dina warsa wuku wara
Tan nyingak arah
wayabia, uttara, daksina, pascima, neriti, genéyan
Sami kagebug grubug
Grubug
rawuh..................
Uuuuuuuuuuuuuuuuuuuhhhhhhhhhhhhhhhhhhhhhhhh!!!!!!!!!
Aaaaaruhhhhhhhhhhhhhhhhhh!
Aaaaaarahhhhhhhhhhhhhhhhh!
Ééééééééééééréhhhhhhhhhhhhhhhh!
Bangké
bangka bangkang bangka bangké
Pajulémpang
nyelémpang mangpang nyelémpang pajulémpang
Tanah
sétra seksek nyeksek kelet kosek
Warga
mawanti wanti mawantu wantu saling bantu mawantu wantu
Gerrrrr
Errr
Rrr
R
Bangkén
wong padosa
Bangkén
wong tanpa dosa
Bangkén
wong akéhan dosa
Bangkén
wong mabikas matah
Bangkén
siap ayam brumbun biing kuning sangkur jamprah tegilan, bangkén asu bang
bungkem belang bungkem item ireng belang soplang bangkén bawi bangkén jaran
bangkén méng gobogan bangkén pitik bengil bangkén tuké poléng bangkén lipan
klipes celedu legu bangké nyungsang sungsang bangké sangglir bangké galir
bangké burik berek berag berig landung jangkung bangkung bengké tawah salah
katadah kagebug kacakcak pati grubug katabug
Ooooooooooo
Oh
Ah
Éh
Réh
Roh
Koh
Soh
Béh
Meléléh
Soléh
Gepéh
Pecéh
Risedek ngendas
gumi kedas langsat
Tan urungan grubug
pacang ngebug
Ring galah gulem
remrem burem
Tan érangan
grubug pacang ngebug
Ring galah wengi
item ireng sipeng
Tan kérangan
grubug pacang ngebug
Grubug ngebug
sami katabug
Ahahahahahahahaahahah
Hahahahahaah
Ahaha
Salah
Pacang kagebug
Wikan
Pacang kagebug
Midep
Pacang kagebug
Grubug....grubug.......grubug.....grubug
Samian matimpuh
yan kagebug
Samian luluh yan
katimpug
Samian raris yan
ketabug
Olih: I Putu Supartika
Singaraja, 17 Juni 2013
Soma Paing Menail
0 comments:
Post a Comment