PITUTUR LUWIH

cening, né mula hidup bapa

makejang kuang

makejang embuh

makejang puyung

sing ada ané arepang cening kapining bapa

duaning bapa tuah tusing ngelah apa

nah cening!

tuah cening ané nyidaang

ngawi urip cening bagia di jagaté

jani suba, sekantun guminé galang

sekantun don-donané gadang

sekantun jagaté endang

jalan mejalan, ruruh ané madan kepradnyanan


Olih: I Putu Supartika