Bela Pati

Tangis tan ngewaliang bagia,
Makta sedih ulian ketindes tur keteteh
Keneh jengah
Nganggoang basang bawak
Mangda sida mahardika,
Ring jagaté sané kajunjung

Nyingakin pianak cucu jagi pakedék pakenyung
Ring jaman pembaharuan puniki
Memargi mabela mabekel sakit kejajah
Tan uning ring dewek
Sira ?
Yadiastun getih muncrat ngamedalang toya abang
Punika rah sang sane mabelapati
Madasar keneh sujati
Mangda sida nyingakin langit kedas
Tanpa tangis lan sedih
Ulian ngetelang yeh mata
Ngawit semeng ngantos wengi tan rerenan
Manindihin para penjajah
Sane pongah juari rauh meriki maktta tangisan
Tan urungan pacing lina
Ring tengahing payudhan


Olih: I Putu Supartika