Ring Singaraja rikala semeng
Langit ngelayut galang nudut manah
Suryané endag mesawang gading
I kedis binal manguci nagingin liang ring hati
Manah égar seger ngulangunin
Ring Singaraja rikala semeng
Warnin guminé masemu girang
Kadi toya sané ning, tis tur bungah
Ring Singaraja rikala semeng
Alit-alit ramé-ramé memargi ka sekolah
Pada liang magegonjakan
Pada seneng-seneng mecanda
Ring Singaraja rikala semeng
Sang bayu rauh nyirsir ngardi tis
Bungané ngebat ngamedalang wangi-wangian
Ring Singaraja rikala semeng
Manah bungah, hati liang
Olih: I Putu Supartika
0 comments:
Post a Comment